A Fábrica de Vilanova é un proxecto que botou a andar en 2004 co obxectivo de facer dunha profesión ás veces dura unha forma de vida. Partíamos dun feixe de ilusións e dunha certa experiencia neste oficio, o que se aliou cun contorno privilexiado e un edificio con historia e personalidade: unha antiga fábrica de curtidos do século XVII, á sombra dunha ponte románica sobre o Arnoia, onde hai séculos montaban garda os cabaleiros templarios.
A aventura na que nos mergullabamos demandaba grandes doses de entusiasmo e non pouco esforzo que ofrecían, a cambio, a libertade de poñer a pr...